Nire barnera begira

Gau on!

Egunerokotasunean gauzak egiten ditugu, nola gauden, zer sentitzen ari garen eta zer-nolako pentsamenduak ditugun kontuan hartu gabe eta horiek guztiek, gure portaera eta erabakiak baldintzatzen dituzte.

Ahal dugun neurrian, horietaz kontzientziatzeko denbora tarteak hartzea komenigarria da, gure eta taldekoen ongi izatearen aldeko portaerak izan ditzagun. Hori lortzeko, era sistematiko batean lantzea ezinbestekoa izango da.

 

HELBURUA

  • Arnasketaren mugimendu leunean murgiltzea
  • Burutik pasatzen zaizkigun pentsamenduak aztertzea
  • Gelan lasaitasun giroa sortzea

 

GARAPENA

Ikasleak etzanda zein jesarrita kokatuko dira, bakoitza espazio lasai batean. Entzunaldiaren argibideak jarraituz, erlaxazio dinamika garatuko dute.

Entzunaldiaren lehenengo atalean, bakoitzaren kezkak eta burutik pasatzen zaizkien pentsamenduei erreparatuko diete.

Ondoren, bigarren zatian, arreta pentsamenduetatik sabelera igarotzen saiatuko dira, arnasketaren mugimendu leuna sentitzera heldu arte.

 

DENBORA

Entzunaldiak 6:30 minutuko iraupena du. Errepikatu daiteke behin baino gehiagotan eta egokia ikusten den uneetan.

 

BALIABIDEAK

Gau on! entzunaldia

 

BIBLIOGRAFIA

SNEL, E.: Erne eta bare, igelaren pare, Editorial Kairós, Bartzelona, 2017

GAU ON!

Yogan trebatzen

Yoga Indian sortu zen diziplina fisiko eta mental tradizionala da. Meditazioa eta askapena nabarmentzen ditu. “Elkartu” edo “batu” esan nahi du. Duela milaka urte Yoga aurkitu zen Indian eta rishis-ek (jakintsuak) arte hori praktikatzen zuten zentzumenak kontrolpean mantentzeko eta bakean egoteko. Hau ere meditazioaren artea da eta norberaren buruari buruzko ikuspegi bat lortzen laguntzen du.

 

HELBURUA

  • Nork bere buruan duen konfiantza hobetzea
  • Estresa murriztea
  • Koordinazioa lantzea
  • Arreta eta kontzentrazioa hobetzea

 

GARAPENA

Bilduma 11 txartelez osatuta dago eta modu desberdinetan aurkez daitezke:

  • 3-4 ikaslez osatutako taldeak sortu eta talde bakoitzari txartel desberdin bat egokitu. Postura horiek praktikatu eta gero, txartelak aldatuko ditugu ikasle guztiek saio horretan landutakoak ezagutzeko.
  • Talde handian txartelak banan-banan aurkeztu. Lehendabizi txartela erakutsi, posturak imitatu, musika lasaia entzuten den bitartean
  • Taldeka zein banaka txartelak landu eta gero, ikasleei argazkiak atera yoga praktika hauekin.

 

DENBORA

Txartelak ezagutzeko eta postura horiek praktikatzeko 15-20 minutuko 2-3 saio erabiliko dira. Ondoren, maiztasuna irakasle eta ikasle taldearen araberakoa izango da ( interesa, denbora, beharraren araberakoa)

 

BALIABIDEAK

Yoga txartelak

________________________

Eduyoga juego de yoga

YOGAN TREBATZEN