Arauak adosten
Arauekin jolasten
Jarduera hau egin baino lehen, komenigarria da 
ariketa egitea, giro lasaia egon dadin eta ikasleek horrelako ariketak egiten ohitura har dezaten.
HELBURUA
- Ikaskideen arteko harremanak sendotzea.
GARAPENA
Banatu haurrak talde txikietan eta esleitu talde bakoitzari ikasgelan aurki dezaketen egoera desberdin bat, hala nola “irakurketa orduan” edo “jolas eremuan”. Eskatu talde bakoitzari eszena labur bat egiteko. Adibidez, irakurketan nola jokatu edo jolasgunean jostailuak nola partekatu irudika dezakete. Talde bakoitzak bere eszena antzeztu ondoren, egoera bakoitzean zer nolako arau inplizituak ikusten ditugun eztabaidatuko dugu.
Eztabaidatutako arauen zerrenda eratuko dugu eta guztion artean gure gelarako arauak zeintzuk izango diren adostuko dugu
DENBORA
Saio bat erabiliko da.
Ariketa hau ikasturte osoan zehar egin daiteke.
BALIABIDEAK
Paper txuria
Koloretako margoak
Gela zoriontsua
Jarduera hau egin baino lehen, komenigarria da ariketa egitea, giro lasaia egon dadin eta ikasleek horrelako ariketak egiten ohitura har dezaten.
HELBURUA
- Ikaskideen arteko harremanak sendotzea
- Esparru seguruak eraikitzeko gaitasuna garatzea
GARAPENA
Irakasleak, klase zoriontsu eta esparru segurua izateko ideak/arauak eta antolamenduaren inguruan galdetzen die. Zeintzuk dira beharrezkoenak? Txartelak edo paperak banatuko ditu, ideiak idatzi edo marraztu ditzaten.
Hau banaka edo talde txikietan egiteko jarduera izan daiteke. Denbora jakin baten ondoren, ideia guztiak bildu eta ozenki irakurriko ditugu. Iradokizunei buruzko eztabaidarako denbora hartuko dugu eta proposatutako arau bakoitzari buruz zer pentsatzen duten galdetuko zaie haurrei.
Haien iritziak ematera eta besteenak entzutera animatzen ditugu. Elkarrekin, gelarako garrantzitsuenak diren arauak aukeratuko ditugu. Baliteke zenbait moldaketa egin behar izatea, azken arau multzora iristeko.
DENBORA
Saio bat erabiliko da.
Ariketa hau ikasturte osoan zehar egin daiteke.
BALIABIDEAK
Paper txuria
Koloretako margoak
Irudiak lantzen
Jarduera hau egin baino lehen, komenigarria da ariketa egitea, giro lasaia egon dadin eta ikasleek horrelako ariketak egiten ohitura har dezaten.
HELBURUA
- Ikaskideen arteko harremanak sendotzea
- Elkarbizitza baketsuaren eta elkarrekiko errespetuaren garrantziaz hausnartzea
GARAPENA
Ikasleei ikastetxe batean sor daitezkeen gatazkak irudikatzen dituzten irudi batzuk erakusten zaizkie.
Irudien inguruan hausnartzeko helburuarekin, ikasleei irudi bakoitza begiratzeko eta bikoteka eztabaidatzeko eskatuko zaie.
Ondoren, irakasleak talde handiko elkarrizketa bat gidatuko du, ikasleek irudi bakoitzari buruz dituzten ideiak eta iritziak partekatzeko.
Helburua, ikasleek gatazka horiek modu baketsuan eta errespetuz konpontzeko modua pentsatzea izango da. Oro har, ikasgelan eta eskolan gatazka horiek saihesten lagunduko luketen oinarrizko arauak ezarri beharko dituzte.
DENBORA
Saio bat erabiliko da.
Ariketa hau ikasturte osoan zehar egin daiteke.
BALIABIDEAK
Gatazken irudiak: Irudia1 - Irudia2 - Irudia3 - Irudia4 - Irudia5
_________________________
Howlin,P., Baron-Cohen, S., Hadwin, J. Enseñar a los niños autistas a comprender a los demás. Guia paractica para educadores. CEAC Ecuación