Nire barnera begira

Sima tximua

Egunerokotasunean, gauzak egiten ditugu kontuan hartu gabe nola gauden, zer sentitzen ari garen, zer-nolako pentsamenduak ditugun momentu horietan, eta horiek guztiek baldintzatzen, bideratzen dituzte gure portaerak eta erabakiak.

Komenigarria da gelditzeko tarteak hartzea, horretaz kontzientzia hartzeko, ahal dugun neurrian, gure eta taldekoen ongi izatearen aldeko portaerak izan ditzagun. Horretarako, entrenatzea da klabea!

 

HELBURUA

  • Arnasketaren bitartez gorputzaren kontzientzia garatzea

 

GARAPENA

Gelan ikasle bakoitzak toki bat hartuko du eta ahal izanez gero, koltxoneta bat hartuko du. Bideoan agertzen den Sima tximuak jolasa planteatuko du eta horretan parte hartzeko azaltzen diren  animalien mugimenduak imitatuko dituzte:  pinguinoa, karramarroa, txakurra, katua eta sugearen ibilerak. Amaitzeko, ikasle bakoitza bere koltxonetan etzanda arnasa hartuko du minutu batez.

DENBORA

Bideoaren iraupena 3 minutukoa da.

 

BALIABIDEAK

Bideoaren esteka hau da:

https://www.youtube.com/watch?v=2PmTw9LGpqk

 

SIMA TXIMUA

Pausatzeko tekla

Egunerokotasunean, gauzak egiten ditugu kontuan hartu gabe nola gauden, zer sentitzen ari garen, zer-nolako pentsamenduak ditugun momentu horietan, eta horiek guztiek baldintzatzen, bideratzen dituzte gure portaerak eta erabakiak.

Komenigarria da gelditzeko tarteak hartzea, horretaz kontzientzia hartzeko, ahal dugun neurrian, gure eta taldekoen ongi izatearen aldeko portaerak izan ditzagun. Horretarako, entrenatzea da klabea!

 

HELBURUA

  • Orain eta hemengo esperientzian gertatzen ari denaz jabetzea
  • Arnasketaren bitartez gorputza erlaxatzen ikastea

 

GARAPENA

Jarduera honen xedea atsedena hartzea izango da, gure barnean zer gertatzen den jakiteko tarte bat hartzea. Arreta eskatzen duten bi ekintzen artean bideratu daiteke; edota jolastokia eta gero, lasaitasun giroa sortzeko gelan.

Ikasleak jesarrita edo etzanda egon daitezke eta entzunaldian agertzen diren aginduak jarraituko dituzte:

Une batez gelditu eta hartu behar adina denbora une honetan nola zauden sentitzeko

  • Nola sentitzen zara barnetik?
  • Orain eraman arreta arnasketara. Zer nabaritzen duzu?
  • Orain eraman arreta zerbait senti dezakezun gorputz atal guztietara.
  • Orain atera nagiak, luzatu gogotik eta jarraitu egin nahi duzuna egiten.
  • Pausatzeko tekla sakatzen duzunean arnasa hartzeko tartetxo bat hartzen duzu.

 

DENBORA

Entzunaldiak 5 minutuko iraupena du.

 

BALIABIDEAK

Pausatzeko tekla entzunaldia

 

BIBLIOGRAFIA

SNEL, E.: Erne eta bare, igelaren pare, Editorial Kairós, Bartzelona, 2017

 

PAUSATZEKO TEKLA

 

Askatasunez dantzatu

Askatasunez dantzatzeak emozioak adierazteko eta haien gorputzarekin konektatzeko espazio sortzaile eta askatzailea eskainiko die ikasleei. Inprobisazioa sustatzean, autoadierazpenaren garapena eta beren buruarekiko konfiantza sustatzen dira. Gainera, mugimenduaren poza mugarik gabe sentitzeko aukera emango die.

 

HELBURUA

  • Gorputz adierazpena lantzea
  • Norbere gorputza entzuteko gaitasuna garatzea

 

GARAPENA

Ariketa hau martxan ipintzeko psikogelara (toki nahikoa dagoen gela batera) joango gara. Musika jarriko dugu eta ikasleak askatasunez dantzatzera gonbidatuko ditugu. Animatu ikasleak haien gorputzak nahi duten moduan mugitzera, libreki musikaz gozatzeaz. Utz iezaiezu mugimenduaren bidez adierazten eta beren gorputzak musikari nola erantzuten dion entzuten. Ariketa honek mugimenduaren bidez gorputz-adierazpena eta emozioekiko lotura sustatuko ditu.

 

DENBORA

Saio bat erabiliko da.

Ariketa hau ikasturte osoan zehar egingo da.

 

BALIABIDEAK

Musika

Bozgorailua

Psikogela

 

ASKATASUNEZ DANTZATU