Nire barnera begira

Kask Kask oskola

Masajeak gorputz osoa, gogoa eta arima erlaxatzeko erabiltzen den antzinako praktika bat dira. Lesioak tratatzeko eta mina arintzeko erabil daitezke eta baita estresaren kudeaketa hobetzeko ere. Oraingoan eguneko urduritasunak, gehiegizko energiak eta erritmo zoroa alde batera uzteko erabiliko ditugu.

 

HELBURUA

  • Norbere gorputzaren eta beste gorputzen kontzientzia hartzea
  • Berdinen arteko harremanak hobetzea konfiantzan oinarritutako harreman afektiboak sortuz

 

GARAPENA

Ikasleak borobilean jesarriko dira, bata bestearen atzean, hankak irekita. Horrela, ikasle bakoitzak masajea emango dio aurrean duen ikasleari, eta berari atzekoak emango dio aldi berean.

Bideoari jarraituz, masajeak emango dizkiete elkarri abestiak aipatzen dituen pausuak eta mugimenduak imitatuz: arrautza oskola, inurritxoak ,elefanteak, txitoak, saguzarrak, laranjak.

Taldea eta espazioaren arabera, bikoteka burutu daiteke masajea.

 

DENBORA

Entzunaldiak 2 minutuko iraupena du.

 

BALIABIDEAK

Kask kask oskola bideoa

https://www.youtube.com/watch?v=sGWM0f7OuQs

 

KASK KASK OSKOLA

Trebetasun sozio-emozionala

Musikaren, ahots gidatuaren eta arnasketaren bitartez, norberak dituen helburuak lortzen saiatu eta gure presentzia eta kontzientzia hemen eta orain kokatzen saiatuko gara.

Batzuetan isiltasunean egoten ez gaude ohituta. Isiltasuna ez dakigu entzuten, eta gure ikasleek ere ez. Isiltasunean gaudenean, deseroso sentitzen garela dirudi. Baina zergatik da garrantzizkoa isiltasuna eremu honetan? Askotariko arrazoiak daude. Besteak beste, hauek dira aipagarrienak: introspekzioa errazten du; hau da, euren baitan murgiltzeko, barneratzeko ahalmena ahalbideratzen du eta, ondorioz, heziketa emozionala susper daiteke, autokontzientzia emozionala eta hausnartzeko ahalmena garatu. Hau da, ni-arekin topo egiteko aukera eskaintzen du; aitorpen psikologiko eta emozionala errazten du, norberaren sentikortasunaren kontzientziatzea errazten du.

 

HELBURUA

  • Arnasketaren bitartez gorputza erlaxatzen ikastea
  • Pentsamenduak alde batera uztea

 

GARAPENA

Entzunaldiaren lehenengo zatian, ikasleak lurrean etzanda egongo dira eta xedea gorputz osoa lasaitzea izango da; pentsamenduei pasatzen utziz hodeiak izango balira bezala.

Bigarren zatian aldiz, guztiz seguru sentitzen duten leku batean pentsatzea eta hori irudikatzea izango da helburu nagusia: leku eder eta barea. Leku hori zoriontasun eta segurtasunaren gakoa izango da.

Entzunaldiaren amaieran ikasleak saiatuko dira segurtasun sentsazio hori barneko mundutik kanpoko mundura eramaten.

Entzunaldia amaitutakoan, ikasleei aukera emango diegu irudikatu duten lekua zein den ahoz adierazteko eta zer nolako sentsazioak izan dituzten azaleratzeko. Esperientziak elkar trukatzeko unea irekiko dugu.

 

DENBORA

Entzunaldiak 6:30 minutuko iraupena du

 

BALIABIDEAK

Leku seguru bat.mp3

_______________________

SNEL, E.: Erne eta bare, igelaren pare, Editorial Kairós, Bartzelona, 2017

TREBETASUN SOZIO-EMOZIONALA

 

 

Arnasa hartzen

Egoera ezberdinek urduritasuna eta tentsioa sortarazten digute; azterketa bat, partidu edo lehiaketa bat, antzerki aurkezpena, bidai baten hasiera, edo bestelako egoera ezezagun bat…. Nola lortu dezakegu gure gorputz eta burua egoera horietan kontrolatzea?

Arnasketaren osagaiei, hau da, airea hartzeari eta botatzeari, arreta osoa eskaintzeak, gure gorputz eta buruari erlaxatzen laguntzen die. Era honetan, egoera edo gertakarien aurrean izango dugun erantzuna era kontrolatu eta kontziente batean egiteko aukera izango dugu.

 

HELBURUA

  • Arnasketa kontzienteaz jabetu
  • Norbere gorputza entzuteko gaitasuna garatu

 

GARAPENA

Arnasa da bizitzara lotzen gaituen oinarrizko funtzio nagusia da. Arnasak, halaber, badauka erabilera kontziente baten bidez lasaitzeko eta norbere barruarekin kontaktatzeko. Kasu honetan, irakasleak, arnasketa kontzienteak aurrera eramaten lagunduko ditu.

Arnasketa-motak azaldu ondoren, irakasleak banan bana laguntzen die ikasleei arnasa diafragmatikoa praktikatzera. Ikasleak borobilean eroso esertzera gonbidatzen ditugu. Begiak ixteko eta arnasketan kontzentratzeko eskatuko diegu. Sudurretik sakon arnastera eta ahotik astiro eta luze botatzera animatuko ditugu.. Animatu arreta jartzen zure gorputza nola sentitzen den arnasten duten bitartean

Mindfulness ildoko 2-3 erlaxazio/meditazio ariketa ere praktikatzeko aukera dago.

 

DENBORA

Saio bat erabiliko da.

Ariketa hau ikasturte osoan zehar egingo da.

 

BALIABIDEAK

Mindfulness ariketa desberdinak

 

ARNASA HARTZEN