Sintonia-unea

Itsasontzia askatuz

Hainbat momentutan, emozioek harrapatu egiten gaituzte, eta gure portaerak eta pentsamenduak baldintzatu ditzakete. Batzuetan, horretaz jabetzen gara; beste batzuetan ez. Komenigarria da gelditzeko tarteak hartzea, horretaz kontzientzia hartzeko eta emozioen menpe ez jokatzeko, gure eta taldekoen ongizatearen aldeko portaerak izan ditzagun.
 

HELBURUA

  • Arnasaren bidez, nork bere emozioekin, pentsamenduekin eta gorputzarekin konektatzea eta emozioetatik aske sentituz erlaxatzea.

GARAPENA

Praktika honetarako, leku lasai bat behar da, inork molestatuko ez gaituen leku bat. Isilik egoten saiatu behar dute. Postura ezberdinak erabili daitezke. Gure kasuan, eserita egingo dugu, bizkarra tente, besoak izterren gainean eta begiak itxita.  

Erlaxatzeko, ezinbestekoa da arnasketa sakon eta lasaia mantentzea. Erlaxatzerakoan burua ere lasaitu behar da. Ikasleak saiatuko dira buruko pentsamenduak blokeatu gabe, lasai eta modu libre batean uzten. 

Erlaxazio saioa amaitzerakoan, ikasleek arnasa sakon hartuko dute, begiak irekiko dituzte eta poliki-poliki besoak eta hankak mugituz, gorputza luzatuko dute.

DENBORA

  • Audioak 4’08’’ ko iraupena du, baina, ariketa praktikatu ahala, isiltasunaren iraupena luzatzen joango gara, bost  minutura iritsi arte. 

BALIABIDEAK

Audio hau izango da gidaria: